رۆژی ٢٥ی جولای به‌رانبه‌ر به‌ ٣ی گه‌لاوێژی ١٣٨٩ی کۆچی خۆری کومیته‌ی نۆروێژی سازمان به‌ هه‌ماهه‌نگی له‌گه‌ڵ کاک توانا کوڕی رێبه‌ری مه‌زنمان، به‌ به‌شداری نوێنه‌رانی کومیته‌ی ئوروپای سازامان، له‌ شاری لیله‌ستروم له‌ ولاتی نۆروێژ، کۆڕێکی ماته‌مێنیان به‌ بۆنه‌ی کۆچی دوایی مامۆستاوه‌ به‌ڕێوه‌برد. کۆره‌که‌ له‌ سه‌عات ٣ی دوانیوه‌ڕۆدا ده‌ستی پێکرد وتاسه‌عات ٦ی ئێواره‌ درێژه‌ی کێشان. له م رێ و ره‌سمه‌دا که‌ نوێنهری به‌شیکی به‌رچاو له‌ هێز و لایه‌نه‌ سیاسیه‌ ئێرانی و کوردستانیه‌کان به‌شداربوون.

هه‌ر وه‌ک هه‌موو لایه‌ک ئاگادارن کۆچی دوایی له‌ ناکاوی مامۆستا و رێبه‌ری گه‌وره‌مان، مامۆستا سه‌یدجه‌لاله‌دین حسینی، له‌ رێکه‌وتی ٣٠ی پوشپه‌ری ساڵی ١٣٨٩ی کۆچی خۆری دا، تێکرای ئازادیخوازانی ئێرانی و کوردستانی به‌گشتی و رۆژهه‌لاتی کوردستانی به‌تایبه‌تی تاساند و جه‌ماوه‌ری تازته‌بار و داخدارکرد وله‌ ناوه‌وه‌ وده‌ره‌روه‌ی وڵات، کۆڕی ماته‌مینی و پرسه‌ ریکخران. سه‌ره‌رای پرسه‌و سه‌ره‌خۆشی له‌ شاری سلێمانی و باره‌گای سه‌رکردایه‌تی سازمانی خه‌بات،ی کوردستانی ئێران له‌ شارۆچکه‌ی تۆپزاوا له‌ ناحیه‌ی ڕزگاری سه‌ر به‌هه‌ولێری پایته‌ختی هه‌‌رێمی کوردستان، و چه‌ندین شار و گوندی ناو خۆی رۆژهه‌ڵاتی کوردستان و ته‌نانه‌ت تارانیش به‌ڕێوه‌چوو.

2010-07-31 20:01:10